Euskaltzaleok:
Iruñerriko Mintzakide egitasmoa, aurten 9. Ikasturtea martxan jartzen ari da.
9 ikasturte hauetan izugarrizko arrakasta eta bilakaera izan du; 80 lagun hasi ginen 2004an eta egun 700 bat lagun parte hartzen dute egitasmoan.
Nork ez du ezagutzen bere inguruan, ikasteko esfortzua egin duten lagunak, ondoan hitz egiteko BIDELAGUNAK ez topatzeagatik, euskaldunongana hurbiltzeko bideak ez ezagutzeagatik euskaraz bizitzeko zuten nahia, desioa, gogoa, amorruz alde batera utzita atzera egin dutenak?
Mintzakide, Iruñerriko euskaldunon sare indartsuenetakoa da. Sare hau boluntarioek osatzen dute eta horien artean bi hiztun mota biltzen ditugu: euskaraz hitz egiteko ohitura dutenak, euskaldun zaharrak, euskaldun osoak: “ BIDELAGUNAK” eta mintzamena hobetzeko laguntza nahi dutenak: “ BIDELARIAK”.
Ikasturte berri honetan euskaraz txukun egiten duten BIDELAGUNEN beharra dugu.
BIDELAGUNEN zeregina taldeko eredua izatea da, ez irakaslea. Mintzapraktika taldearen beste kide bat izatea, norberak hizkuntzari ematen dion kutxua eta naturaltasunarekin, taldeari bizitasuna eta freskotasuna eransten dio.
Hori da bidelariei, Mintzakideei, astean behin ordubetez, egiten dien ekarpena.
Izan zaitez BIDELAGUN! Zure laguntza ezinbestekoa dugu Iruñerriko Mintzakide egitasmoa aurrera eramateko.
Interesa izanez gero, idatzi mezu bat ondorengo helbideetara edo http://goteo.org/project/zu-gabe-ezin/home bitartez.
mintzakide@topagunea.com edo mintzakide@gmail.com