Unterstützend € 10
Txapak
Bularrean jartzeko txapa.
> 02 Kofinanzierer
“Ametsen Harria” eta “Annapurna II” film dokumentalak eskainiko ditugu asteburuan
11 | 09 | 2018
Badator amaiera, lagunok.
Eta gustura gaude egindakoaz, zuei esker ere egindakoaz. Beraz, eskerrik asko proiektu hau egiten laguntzeagatik.
Crowdfunding kanpaina abiatu zenetik urtebetera eskainiko ditugu “Ametsen Harria” eta “Anapurna II 1986” dokumentalak Azpeitiko Soreasu Antzokian. “Paradisu Zinema” zineklubak eta Kulturaz Kooperatibak “Annapurna II 1986” dokumentala berreskuratzeko eta espedizioaren prestaketa azalduko zuen dokumentala garatzeko crowdfunding kanpaina abiatu genuen, eta urtebete geroago, lanaren emaitzaz gozatu ahal izango dugu.
“Annapurna II 1986” dokumentalak duela 30 urteko mendi espedizioaren nondik norakoak azaltzen ditu. Soilik azpeitiarrez osatutako espedizioak, xerpen edota oxigeno artifizialaren laguntzari gabe, Annapurna II mendira igotzea zuen helburu. Ez zuten gailurra zapaltzerik lortu, baina Nepalen bizitako abenturaren gorabeherak 16 mm.ko filmetan gordeta ekarri zituzten bueltan. Dokumentala bi urte geroaro, 1988an, estreinatu zuten. Orain dokumentala berreskuratu dugu Kulturaz Kooperatibak eta Paradisu Zinema zineklubak.
Bestetik, espedizioaren prestaketak jasotzen dituen “Ametsen Harria” dokumentala ekoitzi dugu kultur kooperatibak eta zineklubak. Duela hiru hamarkada, Himalayara espedizio bat antolatze hutsa jada abentura bat zen, eta espedizioen prestaketek, herri oso bat batzea lortu zuten. Bestalde, Annapurna II igotzeko ametsetik abiatuta, naturaren eta gizakiaren arteko harremanaz eta mendizaletasunaz hausnartzen da dokumentalean.
Irailaren 14ean, ostirala, “Ametsen Harria”ren estreinaldia izango da, 19:00etan, Soreasu antzokian. Ordu erdiko dokumentala eskaini ostean, solasaldia egongo da dokumentalaren egileen, proiektuaren ekoizleen eta espedizio kideen eskutik.
Irailaren 15, 16 eta 17an, berriz, “Annapurna II 1986” dokumentala eskainiko da zinemako ohiko ordutegien baitan. Igandeko emanaldiaren ostean, solasaldia izango da espedizio kideekin.
EMANALDIAK:
Irailak 15, ostirala, 19:00etan: Ametsen Harria
Irailak 16, larunbata, 22:00etan: Annapurna II 1986
Irailak 17, igandea, 19:30ean: Annapurna II 1986
Irailak 18, astelehena, 21:00etan: Annapurna II 1986
TRAILERRAK
Annapurna II 1986: https://youtu.be/Q3H3IsLZHvY
Kommentare
Anmeldung um einen Kommentar zu hinterlassen