ELIKAGUNEA. Kontsumo eredua eraldatuz

Header image
Video ansehen
Fertiggestellt am 30 / 12 / 2017
Gefördert!
Empfangen
€ 7.610
Minimum
€ 3.500
Optimum
€ 7.500
83 Kofinanzierer
Kanal
  • Unterstützend € 10

    BABESTU PROIEKTUA

    Babestu ezazu Elikaguneko proiektua! Web orrialdean aipamena. Eskerrik asko proiektu honetan sinesteagatik!

    > 03 Kofinanzierer
  • Unterstützend € 30

    BABESTU PROIEKTUA

    Babestu ezazu Elikaguneko proiektua! Web orrialdean aipamena eta Elikaguneko poltsa eskuratuko dituzu. Eskerrik asko proiektu honetan sinesteagatik!

    > 03 Kofinanzierer
  • Unterstützend € 50

    EGIN ZAITEZ BAZKIDE

    Egin zaitez bazkide! Bazkide txartela, web orrialdean aipamena eta Elikaguneko poltsa eskuratuko dituzu. Urteko bazkide kuota ordainduta.
    Eskerrik asko proiektu honetan sinesteagatik!

    > 41 Kofinanzierer
  • Unterstützend € 100

    EGIN ZAITEZ BAZKIDE eta eskuratu erosketa bale bat

    Egin zaitez bazkide! Bazkide txartela, web orrialdean aipamena eta Elikaguneko poltsaz gain, erosketetan erabili ahal izateko 50 eurotako bale bat eskuratuko dituzu. Urteko bazkide kuota ordainduta.
    Eskerrik asko proiektu honetan sinesteagatik!

    > 14 Kofinanzierer
  • Unterstützend € 150

    EGIN ZAITEZ BAZKIDE eta eskuratu erosketa bale bat

    Egin zaitez bazkide! Bazkide txartela, web orrialdean aipamena eta Elikaguneko poltsaz gain, erosketetan erabili ahal izateko 100 eurotako bale bat eskuratuko dituzu. Urteko bazkide kuota ordainduta.
    Eskerrik asko proiektu honetan sinesteagatik!

    > 10 Kofinanzierer
  • Unterstützend € 250

    ERAGILE EDO NORBANAKOENTZAT

    Egin zaitez bazkide! Bazkide txartela, web orrialdean aipamena eta Elikaguneko poltsaz gain, erosketetan edo zerbitzuetan erabili ahal izateko 200 eurotako bale bat eskuratuko duzu. Urteko bazkide kuota ordainduta. Eskerrik asko proiektu honetan sinesteagatik!

    > 04 Kofinanzierer
  • Unterstützend € 500

    ERAGILE EDO NORBANAKOENTZAT

    Egin zaitez bazkide! Bazkide txartela, web orrialdean aipamena eta Elikaguneko poltsaz gain, erosketetan edo zerbitzuetan erabili ahal izateko 450 eurotako bale bat eskuratuko duzu. Urteko bazkide kuota ordainduta. Eskerrik asko proiektu honetan sinesteagatik!

    > 02 Kofinanzierer

Über dieses Projekt

Euskal Herriko elikagaien topagunea. Kontsumo eredua eraldatuz lehen sektorea indartu nahi duen proiektu kooperatiboa.

Bedarf Material Minimum Optimum
Elikagaien horniketa
Elikagaien horniketa gastuak.
€ 3.500
TRESNERIA
Sukalde, harategi zein bestelako zerbitzuak eskaini ahal izateko tresneriari dagozkion gastuak.
€ 4.000
Gesamt € 3.500 € 7.500
Erforderlich
zusätzlich

Allgemeine Informationen

Euskal Herriko elikagaiak sustatuz eta kontsumo eredua eraldatuz, lehen sektorea indartu nahi duen proiektu kooperatiboa.

Azpeitia zentro bezala hartuta 150 km-ren bueltan ekoizten diren elikagaiak soilik bilduko dituen gune bat da, heziketa gunea, dastaketa gunea, sukaldea, Basque Label harategia eta janari dendak osatua.

Elikaguneak eskaintzen dituen baliabideak baliatuz, lehen sektorea indartu eta landa-eremua mantentzea helburu duen proiektua da gurea. Azoka plaza bizia, dinamikoa eta irekia nahi dugu, herrian ez ezik, eskualdean ere gune erreferentziala izango den gunea, eta nola ez, Euskal Herrian helburu berdinak dituzten antzeko proiektuen bidelagun izan nahi dugu.

Landa eremua eta herrigunearen arteko harremanak sendotuko dituen proiektua izango da hau. Baserria eta kalearen arteko elkargunea izango da, ekoizle eta kontsumitzailearen arteko zubiak sendotzea bultzatuz.

Elikadura osasuntsurako eskubidea ziurtatu nahi dugu bertako elikagaiak prezio eskuragarrian eskainiz eta sustatuz, bertako ekoizleen lana errentagarri bilakatuz eta lanpostu duinak sortuz eta etorkizuneko landa eremu bizi bat bermatuz.

Eta zer egin behar dugu lehen sektorea indartu ahal izateko? Kontsumitzaileok jabetu behar dugu gure erosketa ohiturek duten eraginaz, hor dago gakoa. Eta horixe izango da gure proiektuaren eginkizun nagusia, ekoizleentzat justua eta erosleentzat arrazoizkoa den prezioan tokiko elikagaiak eskaintzea eta kontsumitzaileak kontzientziatzea, kontsumo jasangarri eta arduratsu bat lor dezagun. Kontsumo jasangarri bat helburu duten herritarren komunitate bat sortzea izango da proiektu honen berme nagusia.

Kontsumo jasangarria sustatzeko merkaturatze bide laburrak lehenetsiko ditugu, hurbileko ekoizleen kalitatezko produktuak eskainiz, ingurumena errespetatuz, hondakinak murriztuz, garraio-kostu txikienak eraginez, bitartekariak ekidinez prezio justua mantenduz eta hainbat sentsibilizazio ekimen burutuz. Proiektu honen helburua gertuko nekazaritza, arrantza eta abeltzaintza sektoreak indartzea da, lehen sektorea berpiztea alegia.

Hauptmerkmale

Nork eramango du aurrera proiektua?

Eskualdeko hiru gazte ekintzailek osatzen dugu sustatzaile taldea, Agurtzane Odriozola, Xabi Izagirre eta Ioritz Aizpuru. Ilusioz beterik gaude eta proiektu hau aurrera eraman ahal izateko irabazi asmorik gabeko Artxara Kooperatiba Elkarte Txikia eratu dugu.

Zeintzuk izango dira Artxara kooperatibaren baloreak?

Elikadura burujabetza helburu duen proiektua da gurea, Etxalde nekazaritza iraunkorraren aldeko ekimenak eta Eskubide Sozialen Kartak elkarlanean, elikadura osasuntsurako eskubidea ziurtatzeko osatu zuten manifestuak jasotzen dituen printzipioekin bat egiten duena. Helburu hori duen proiektu herritarra da gurea eta guztion artean osatu nahi dugu, ekoizle, eragile zein kontsumitzaileek elkarrekin, elkarlana, euskara, parekidetasuna eta zero zabor filosofia oinarri ditugularik.

Zein izango da proiektua aurrera eramateko antolaketa eta funtzionamendua?

Talde-lanean eta elkarlanean oinarritutako antolaketa izango dugu, herritarren parte-hartzea oinarri duena. Eragile, kontsumitzaile zein ekoizleen parte-hartzea bermatuko duen funtzionamendua izango dugu, hauek kooperatibako bazkide eginez eta lan-talde ezberdinetan parte hartuz eta erabaki gunetan beraien hitza kontuan hartuz.

Nora bideratuko dira jardueratik eratorritako irabaziak?

Proiektuaren balizko irabaziak, proiektua indartzera edota lehen sektorera bideratuko ditugu. Lehen sektorean inbertitzeko orduan kontutan hartuko dira inguruan sorturiko ideia eta proiektu berriak, hala nola Artxara kooperatibako lantaldeak (Elikagunea LAB) hartuko ditu erabakiak.

Zein produktu izango ditugu Elikagunean, Euskal Herriko elikagaien erakusleiho izan dadin?

150km-ren bueltan ekoiztutako lehengaiekin osatutako elikagai oro, bertan hazitako animalietatik eratorritako edozein produktu edota euskal portuetan itsasoz deskargatutako arraina egon daiteke salgai. Lehengai bakarreko produktuetan %100 izan beharko du bertakoa eta eraldatutako elikagaien kasuan %50ak bete beharko du baldintza bera.Kalitate ziurtagiri eta ekoizpen mota anitzak eta herrialde desberdinetako produktuen erreferentziak izango ditugu.

Nola bermatuko dugu proiektuaren etorkizuna?

Proiektuaren etorkizuna, gaur egungo kontsumo eredua eraldatu eta kontsumo jasangarri bat helburu duten herritarren komunitate bat sortzeak bermatuko du. Horretarako, herritarrak kooperatibako bazkide eginez, lantalde ezberdinetan partehartzeko aukera eskainiz, proiektua bere egitea lortuz.

Bazkideek hainbat abantaila izango dituzte, erosketa bakoitzean %5eko beherapena adibidez. Elikaguneko zerbitzuak herritar guztiei eskainiko dizkiegu, bazkide izan edo ez, produktuen gaineko informazio gardentasuna ziurtatuz, produktu bakoitzaren jatorria, ekoizpen mota…

Warum das wichtig ist

Gaur egungo kontsumo eredua eraldatuz, tokiko produktuak ezagutu eta kontsumitu nahi dituen herritar orori zuzendua dago proiektua. Erosketa kontzientziatu bat burutu nahi duen horri, bertako elikagaiak kontsumituz Euskal Herriko lehen sektorea indartu nahi duenari.

Horretarako profil ezberdinetako herritarrei zuzendutako zerbitzuak eskainiko dira:

• Jaki prestatuak

• Euskal Herriko lurralde desberdinetako produktuak

• Elikagaiak pisura erosteko aukera

• Katering zerbitzuak

• Kontsumo jasangarriaren inguruko hitzaldiak

• Sukaldeko ikastaroak

• Harategia

• Haurrentzako tailer praktikoak

• Etxaldeetara bisitak

• Gure produktuak balorean jartzeko dastaketak

• Garaian garaiko produktuekin osaturiko errezeten eskaintza

• Elikagaien inguruko informazio gardena: ekoizpenaz, ekoizleaz, jatorriaz...

• Elikagai ekologikoak...

• …

eskema-web-trans.gif

Ziele der Crowdfunding Kampagne

Proiektua gauzatu dadin inbertsioei aurre egiteko diru sarrerak izatea eta aldi berean kontsumo jasangarriaren inguruko komunitate bat sortzeko pausoak ematen hastea bazkideak lortuz.

ELIKAGUNEKO BAZKIDE IZATEAREN ABANTAILAK:

• Erosketa bakoitzean %5eko deskontua aplikatuko zaizu.

• Kooperatibako bazkide kolaboratzailea zara, Elikaguneko proiektuaren parte. Lantalde desberdinetan parte hartzeko aukera izatetik haratago erabaki guneetan egon eta zure hitza bertan bermatua dago (inbertsio proiektuak, agendako jarduerak, elikagaien lantaldea).

• Elikagaien promozio desberdinetan parte hartzeko lehentasunezko aukera.

• Informazio eskubidea. Elikagunearen jarduerari dagozkion informazio ekonomiko zein bestelakoak eskuragarri edozein momentutan.

Team und Erfahrung

Agurtzane Odriozola (1979, Azkoitia), Xabi Izagirre (1986, Azpeitia) eta Ioritz Aizpuru (1983, Azpeitia) gara proiektu honen sustatzaileak.

2016ko udaran, Udalak Azoka plazan burutu behar zuen proiektuaren berri izan genuen eta interesa sortu zitzaigun. Xabier eta Ioritzek elkarren berri izan genuen eta proiektuaren inguruan hitz egiteko biltzen hasi ginen, hasieratik garbi izan genuen elkarrekin heldu nahi geniola erronka honi eta ilusioz ekin genion. Aurrerago, sustatzaile taldea osatze aldera, eta erronkari aurre egiteko profil profesionala kontutan izanda, hirugarren sustatzaile bat identifikatu genuen, Agurtzane, eta berarekin harremanetan jarri ginen, berak ere hasieratik argi izan zuen erronka honen parte izan nahi zuela.

Beraz, eskualdeko hiru gazte ekintzailek osatzen dugu sustatzaile taldea, proiektuarekin sentsibilizatuta geunden eta ilusioz heldu genion erronka berriari, proiektua lantzeari ekin genion buru belarri.

Ioritz Aizpuruk, Informatikari ikasketak burutu zituen eta lanbide horretan dihardu azken 13 urteetan, proiektu ezberdinetan parte hartuz talde lanean betiere. Baserriarekin harreman zuzena izan du betidanik eta gaur egun baserrian bizi da. Bere ustialekua du, eta barazki zein animalia ezberdinak hazten ditu.

Xabier Izagirreren kasuan, Informatikari ikasketez gain, sukaldaritza ikasketak ere burutu zituen eta gaur egun sukaldaria da lanbidez. Herriko mugimendu sozialetan ibilbide luzea du eta betidanik egon da gai sozialetan murgilduta. Bertako elikagaiak sukaldatuz hainbat sari ere eskuratu ditu, “Jakiberri” jaki azkarren ideien lehiaketan eta Euskal Herriko ostalaritza eskolen arteko Eusko Label lehiaketa esaterako.

Agurtzane Odriozola harakina da eta azken urteetan lanbide horretan dihardu, harategiko lan ezberdinetaz arduratuz. Landa-eremuarekin eta lehen sektorearekin sentsibilizatua, baserrian jaiotakoa da eta gaur egun ere bertan bizi da bere familiarekin.

Profil ezberdina dugun pertsonak gara, eta guztion ezagutzak elkar-banatuz proiektu hau burutzeko lan-talde profesional egokia osatu dugula uste dugu. Gure profil akademiko eta profesionala, proiektuarekiko sentsibilizazioa, eta ikasteko eta lan ezberdinak burutzeko prestutasuna kontuan izanda, konbentzituta gaude egitasmo hau motibazioz eta ilusioz burutuko dugula.

guuu.jpg

Gesellschaftliches Engagement

Sustainable Development Goals

  • Industry, Innovation and Infrastructure

    Investments in infrastructure are crucial to achieving sustainable development.

  • Responsible Production and Consumption

    Responsible Production and Consumption

  • Climate Action

    Climate change is a global challenge that affects everyone, everywhere.